كلمات خدني ع بلدي
شوية صور وشوية أخبار
من بلدي كومة هدايا حلوة
ملفوفة بذكريات
نصيحة من أبوي ودعوة
من قلب أمي كمشة حنية
من ستي بتسوى الحياة
لون السما ببلادي غير
صوت المطر حتى الهوا والله غير
بروحوا ناس وبيجوا ناس
وبتبقى أنت يا بلد
خدني معك ع بلدي
رجع لي أيام زمان
اسرق مني الوقت
وارميني ع بر الأمان
عطيني من بلدي الحنين
عطيني خبز وزيت وزعتر
والله ما بدي أكتر
بس خدني معاك
مشيني بين الحارات
احميني من غربة عمر
وازرع فيني الحياة
خليني بشوارعها أكبر
وبسحر قمرها أسهر
بس خدني معاك
نظرة أمل نظرة خجل
بعيون الحب الأول
زفة عرس لمة جارات
على دلة قهوة حلوة
رن الجرس فرحة طفل
بلش بصف أول
ريحة ترابك يا بلدي
من بعد أول شتوة
نجوم السما بتبعت سلام
ورق شجر
عطر الورد
طير الحمام
بقولوا ناس وبيحكوا ناس
ما بيوفي حقك يا بلدي أيا كلام
خدني معك ع بلدي
رجع لي أيام زمان
اسرق مني وقت
وارميني ع بر أمان
عطيني من بلدي الحنين
عطيني خبز وزيت وزعتر
والله ما بدي أكتر بس خدني معاك
خدني معاك ع بلدي
نسيني كل الي راح
لو مرة بس شوف البلد
خلي القلب يرتاح
طعميني من أرضنا
تين ومن سهلنا لوز الأخضر
والله ما رح بتأخر بس خدني معاك