كلمات راستافندي يابا
يابا. الدنيا هدت الحيل و محدش فاهمني قدك
شكلي رح افقد الامل واجي اتمدد وانام جنبك
انت الوحيد اللي عارف انا وين ومشتاق اسمع صوتك
بتحكيلي بعرف انه الهم كبير بس ربنا اكبر مني و منك
الدمع مكبوت و مش راضي يسيل صعبة الدنيا من غيرك
الوضع تغير بعدك بطلنا نفضفض، حتى ناسك و صحابك
يابا الناس بس تشوفك مكسور بتنبسط وتتدايق من انبساطك
بتكتشف انه اللي حواليك موجودين بس عشان طاقتك
كنت دايما تدعيلي ربنا يقويك و يهدي بالك حبيبي هدي حالك
الإنسان ولا اشي ادعي للي خلقك واللي احسن مني و منك
طب يابا انت وين؟ احكيلي! امورك تمام؟ فرجيني!
على دلعونه وعلى دلعونه راحوا الحبايب ما ودعونا
ببكي بحضن امي و بس بدي بيي و بدي وردتنا اسمر اللوناا
ومن خمس سنين وانا لابس اسود قتلتني الفكرة و ما رح اتعود
يابا لازم تفهم انه احنا بالحياة شغالين و قاعدين بنطحن ما عليك سلم علي عندك فضلاً
ورد و رأفت ياسر عمي سابا شادي عُدز زارين عربيات الضبعين خالتي ام مازن خالتي ام رامي كمان عمي ابو فادي ويليام
سيدي و ستي من جهتك و من جهة امي مع بوسة الراس طبعاً
متأكدين انه وضعكم عن وضعنا كثير احسن احكوا للخالق شكراً
يابا اذا سألوك عن فلسطين احكيلهم غزة حرة و باقيها ما تحرر ابداً
بس عنا الامل ومفتاح بيت ستي بعده مع امي موجود دايماً
ناموا و ارتاحوا بندعيلكم مع جرس الكنيسة و صوت المؤذن
كل اللي عايشين حاسيين بوجود الناس اللي خسرتها قدراً
عارفين انكم بتتفرجوا علينا من فوق والراس مرفوع فخراً
احنا امانتنا عند رب العالمين محفوظة, وبدعواتنا الكم يُعظِّمُ الله اجراً