كلمات اوگفي , چا وين الوعد

اوگفي سنيني مشن كلهن وراچ
اخذي روحي و ذكرياتج و الصور

و هاج صوتي الصار بي اسمج نشاز
بين صفنة شوگ و العبرة انحسر

هوه ذاك الماخذج هم اشتراچ
و هم مثل كسر الجنح گلبه انكسر

گلبي چان يطير لو مريتي بيه
هسه صفنة ميّت بصدري استقر

انتي بعتيني الوكت مامنه صوچ
بالمشاعر لا ادخلين القدر

…..

چا وين الوعد وسوالفك ذيچ
عفتني بليل بعدك طوله وحشه

عليك سوالفي البس الك تنگال
و عليك الهندس السويته غبشة

ذاك المعشر شخلاك تنساه
على وعدك اخذ مي ورد رشة

انه اطيتك دليلي يسولف وياك
و انت اطيتني اذنين طرشة

صحو بليلي جرح و تلچمة دمعات
كل ليله  الهه عالخدين طرشة

ترة الگلك علية بخير وهمان
ثوب مكابري اعله الضيم غشة

عشگنه الچان يسولف بالاحلام
تاليهه الشماته تشيل نعشه