كلمات بعد الكون

يانسمة الليل منتـي عون
للـي قضى ليلته سهران
بالهون هبي علي بالهوون
صدري مـن البارحـه مليان
مانيب صاحي ولامجنون
من سبة الدمع والاحزان
ماعاد باقي لوجهي لون
وماعاد في هاجسي قيفان

مانيب بحروفها طربـان
لو كان جمهورها مليون
ويصدح بها الصوت بالآلحان
ماهيب تسوى بعيني نون
عينن بكت دمعة الاحزان
وشلون خليتني وشلون
ثلاثة اسنين بـ المجان
ياروح روحي وبعد الكون
وشفي جنابك معي مالان
يالمترف المرهف المزيون
ياليتك تروف بـ الولهان

لا من نـثر دمعة الاعيان
مفتون بك يالغلا مفتون
ومجروح من سبتك للآن
ان كان ما اقدرك وآصون
حب على ماضي الازمان
مانيب لك صاحب مرهون
وماني على فلان ولد فلان
يا صاحبي والله اني عون
لامن ملى صدرك الاحزان