كلمات اصحى يامان
إعلان افلاس جيب ومشاعر والوضع مأستك ع الآخر
ولا بد اتكمل وتعابر وتلاقي حلول زي الشاطر
المحفظة من غير جنيهات زي الأرض البور يا معلم
لو جيبك فاضي حتتقطم والدنيا بوشك حتبلم
إصحى يا مان، إصحى يا مان، إصحى يا مان، ما تصحى يا مان
بعد ما كان أجمل دبدوب صرف شحن وبقى معيوب
محتاج وصلة شاحن أصلي قبل ما يتحذف بالطوب
بعد ما كان ود جان وكفاءة وبيدلع وبيتشاقة
بقى آخره يحجز في خناقة وتشوفه الناس بالمقلوب
البطارية اتسربت لازم تداوي العيب قوام
المسألة مافيهاش هزار وهو ده خلاصة الكلام
ما تصحى يا مان
طير في الجو وقوم اتحرك ما تحطش إيدك على خدك
الكوكب واسع مش أزمة دور ع الحظ لما يعاندك
قوم أحلامك من نومها فوقها ولبسها هدومها
وريها الدنيا وصحيها صدقها وزين معالمها
ترجم أحلامك لحقيقة إتعب حبة وهتعيش رايق
ما توقفش حزين ولا متكتف وتخلص عمرك متضايق
ما تصحى يا مان
بعد ما كان أجمل دبدوب صرف شحن وبقى معيوب
محتاج وصلة شاحن أصلي قبل ما يتحذف بالطوب
بعد ما كان ود جان وكفاءة وبيدلع وبيتشاقة
بقى آخره يحجز في خناقة وتشوفه الناس بالمقلوب
البطارية اتسربت لازم تداوي العيب قوام
المسألة مافيهاش هزار وهو ده خلاصة الكلام
ما تصحى يا مان