كلمات نيكسون بابا

شرَّفت يا نيكسون بابا
‫‫يا بتاع الـ Water gate
عملولك قيمة وسيما
سلاطين الفول والزيت
شرَّفت يا نيكسون بابا
‫‫يا بتاع الـ Water gate
عملولك قيمة وسيما
سلاطين الفول والزيت
فرشولك أوسع سِكة
من راس التين على مكة
فرشولك أوسع سِكة
من راس التين على مكة
وهناك تنزل على عكا
ويقولوا عليك حجّيت

وأهو مولد ساير، داير
شي الله يا أصحاب البيت

جواسيسك يوم تشريفك
عملولك دقة وزار
تتقصع فيه المومس والقارح والمندار
جواسيسك يوم تشريفك
عملولك دقة وزار
تتقصع فيه المومس والقارح والمندار
والشيخ شمهورِش راكب
ع الكوديا وهات يا مواكب
والشيخ شمهورِش راكب
ع الكوديا وهات يا مواكب
والشيخ شمهورِش راكب
ع الكوديا وهات يا مواكب
وبقيت الزفّة عناكب
ساحبين من تحت الحيط

وأهو مولد ساير، داير
شي الله يا أصحاب البيت

‫‫عزَموك فـ قالوا "تعالى، تاكل بونبون وهريسة"
قُمت إنتَ لإنك مَهيف
صدَّقت إن أحنا فريسة
‫‫عزَموك فـ قالوا "تعالى، تاكل بونبون وهريسة"
قُمت إنتَ لإنك مَهيف
صدَّقت إن أحنا فريسة
طبيت، لحقوك بالزفّة
يا عريس الغفلة، يا خِفّة
طبيت، لحقوك بالزفّة
يا عريس الغفلة، يا خِفّة
هات وشك خُد لك تفة
شوبَش من صاحب البيت

وأهو مولد ساير، داير
شي الله يا أصحاب البيت

خُد مني كلام يبقى لك
ولو إنك مش هتعيش
لا هقول أهلًا ولا جهلًا
ولا تيجي ولا ما تجيش
خُد مني كلام يبقى لك
ولو إنك مش هتعيش
لا هقول أهلًا ولا جهلًا
ولا تيجي ولا ما تجيش
بيقولوا اللحم المصري
مطرح ما بيسري بيهري
بيقولوا اللحم المصري
مطرح ما بيسري بيهري
وده من تأثير الكُشري
والفول والسوس أبو زيت

وأهو مولد ساير، داير
شي الله يا أصحاب البيت