كلمات هي جت عليا Heya Gat Alaya

الجو ده محتاج دلع
حبة ضحك من إللي إتمنع
ده أنا خلاص من كتر الوجع
ما بقتش أحسه جاي منين
الجو ده محتاج دفا
حبة حب من إللي إختفى
قلبي خلاص من الهم إكتفى
نفسي أتهنى وأعيشلي يومين

هي جت عليا
نفسي أتبسط شوية
مش كله جد جد، لأ بجد
كده كتير عليا
هي جت عليا
حقي أتبسط شوية
مش كله غم غم هم هم
دي الدنيا رايحة جاية

الجو ده محتاج هوا
شربت العيا أنا في علبة دوا
ده أنا من الدنيا دراعي إتلوى
والوجع إتعودت عليه
الجو ده محتاج ونس
ولا خلاص أنا قلبي إتنحس؟
أنا مش هفضل أضيع فرص
هو أنا بتعب نفسي ليه؟

هي جت عليا
نفسي أتبسط شوية
مش كله جد جد، لأ بجد
كده كتير عليا
هي جت عليا
حقي أتبسط شوية
مش كله غم غم هم هم
دي الدنيا رايحة جاية