كلمات نشوة الحب

الطواري كل مطلع صبح تسرج قبّا
والغلا مثل الشجاع اللي مايثلم سيفه
وانت ياللي من خلقك الله عسر ومخبّا
البرود اللي بدون اسباب ؟ وش تعريفه؟
كان قلبك من ضغوطات الحياه معبّا
وش يقول مكافح الدنيا شتاه وصيفه ؟
الشعور .. الى كبر سنه ماعاد يصبّا
لاتطوفه نشوة الحب القوي واعيفه

كل .. شي ودك اضيفه قله واضيفه
فيك .. زين واضح .. جدّا وزين مغبّا
ي الاليف اللي تضاريسك ماهيب اليفه
انت .. مايحتاج لك خطة ورسم اطبّا
الله اللي .. راسم زينك كذا من كيفه
بس يوم تقول ماعندي عسل ومربّى ؟
شفتها تلميح وانت تشوفها تصريفه
شاعرك ضيفن لامر اسمه ماهوب يهبّا
والعرب ماترحم اللي مايوجّب ضيفه
لاتقول الليل حدّه .. والديار جنّبا
قلت لك ي ما سرينا والديار مخيفه:)

والله .. ان اولع الدنيا بـ قطعة ليفه:)
معلومات الاغنية
توزيع ومكس : استديو تون لايف
توزيع ديجيتال وانتاج مرئي : الفان