كلمات حبيتن

قديش كانوا ينبهوني من الطمع
وقديش قالوا الحب ضر وما نفع
وقديش قالوا لازم تخفف ولع
قلتلهن يا ناس لازم تعذروني
الا البايدو جمر
ما حس بوجع

حبيتن طمعوا بحبي
وصاروا من بعيد يمسوا
توصيت بقلبن من قلبي
وهن بقلبي ما توصوا
قلبي بعدن ما بينعاز
الحق علي ما خصوا
كان لازم اعطي الخباز
خبزي لو ياكل نصوا

من الاول يا ريت قسيت
قلبي ما تركتوا معهن
سلمتن قلبي وما حكيت
صرت بحبي طمعهن
من الاول كان لازم كون
قاسي وما حبن بجنون
ما بيحلى مر الزيتون
الا مال ايد ترصوا

شو بعمل تولفي يصير
بقلبو نتفة حنية
بلشت القسوة بكير
حظي ومكتوب عليي
انا مكتوب عليي مكتوب
دوب و ما اتعلم توب
يا سفرجل بعدك محبوب
مهما اللي اكلوا غصوا