كلمات إجري.. إجري

إجري إجري إجري، وديني قوام وصّلني

وصلني قوام وصّلني، دا حبيب الروح مستني

يا طير يا رايح خدني معاك، هاتلي جناح وانا اطير ويّاك

بايت مِهَنَي صابِح تٍغنّي، طاير مع المحبوب يا هَناك

يا ريتني زيّك متهنّي،

إجري إجري إجري، وديني قوام وصّلني

وصلني قوام وصّلني، دا حبيب الروح مستني

الفجرِ قام صحّى النعسان، نَوَّر وخلّى الكون فرحان

الشمس طلعت نامت وصحيت وانا اللي طول الليل سهران

مش لاقي حدّ يوصّلني

إجري إجري إجري، وديني قوام وصّلني

وصلني قوام وصّلني، دا حبيب الروح مستني

ليَ حبيب أتمنى رضاه، عاهدته إني أعيش ويّاه

فى يوم منايا ساعة هنايا خدونى منه وقلبى معاه

الله يجازي اللي ظلمني

إجري إجري إجري، وديني قوام وصّلني

وصلني قوام وصّلني، دا حبيب الروح مستني