كلمات ياقمر اسكندارني

يا قمر يا اسكندراني
نص عمري ضاع في لفي ع المواني

لفيت في الدنيا ياما
وعرفت الدنيا ياما
ما لقيت زيك في حسنك
يا ابو اجمل ابتسامه

ارجع وانا روحي خايفه
طاير زي الحمامه
والاقيك واقف تقول لي
حمد الله ع السلامه

افرح باسكندريه
وقمر اسكندريه
واقول دي اسكندريه يا عيني
وقمرها ناداني

دايما وفي الميعاد
الاقيك يا قمر تجينا
تيجي من اخر البعاد
وترفرف ع السفينه

انسي الليل والليالي
في بلاد بره البعيده
واحس بيك في قلبي
فاتح شبابيك جديده

تدخل نسمه صبيه
اقول دي اسكندريه
اقول دي اسكندريه يا عيني
وقمرها ناداني

في الغربه الدنيا توهه
والناس مالهاش اسامي
توهه ولوحدي فيها
ومين يفهم كلامي

وانا يا للي في كل مينا
بمشي وعيني حزينه
واقول والله ماليا
غير قمر اسكندريه
ارجع وانا روحي خايفه
طاير زي الحمامه
والاقيك واقف تقول لي
حمد الله ع السلامه