كلمات واحة الاعرابي
✍️ كلمات: بندر السعيد
🎼 ألحان: مشاري العوضي
هيه يلي ضامر بالصدر حاجه
خاطرك لو ننغلب بايه وسيله
الرجاحه والعقل بالرجل تاجه
وانت قدر نفسك وعدها جميله
كانك بقد المواجه بنتواجه
ما نعيش ضعوف وقليلين حيله
لو يشين الوقت ثم يعقد حجاجه
ما انخلقنا غير لحمول ثقيله
العوج غصب يعدل اعوجاجه
نكسره لو يشكي عظام هزيله
ما يمشينا على الكيف ومزاجه
عزي لمن يلحقه وا عزتي له
الرفيق ان ضاق يبشر بابتهاجه
خاطره طيب ولو نفسه عليله
ان جرحه الوقت نلقاله علاجه
ماتاخرنا ونفزع في سبيله
حالنا حال الجبل صعب ارتجاجه
غير رب البيت ما شي يشيله
عز يا مال العز من حنا سياجه
يتنومس بالشدايد نرتكيله
واهنيه من يلاقينا سراجه
نعم فينا خير من حنا دليله
نحمد الله عزنا وقت المواجه
بالظروف الممكنه والمستحيله