كلمات هلي يا عدرا (مع كورال نجم المشرق)
بيت ١ : من السنة للسنة انا بستنى
و سط حبايبك اجى و اتهنى
و بقلبي اسبح و ارنم
فى جمالك يا ام النور
يا اللى ولا مرة سيبتيني
و شفاعتك ليا تخلينى
اقدر عالصعب و اعدي
ما انتى معايا و بتحمينى
قرار : هلى يا عدرا بنورك هلى
سهران على بابك و تملى
وجودى فى بيتك بيخلى
قلبى بيفرح و يحس بعيد
لما نشوفك فبنطمن
مهما هيحصل امى فى ضهري
بطبطبى على قلبى فيسكن
و يروح الخوف يبعد لبعيد
بيت ٢ : من صغري و صورتك دى معايا
بطمن و اتفائل بيها
و اما تضيق الدنيا عليا
تملي يا امي تحليها
دايما حاسة بكل مشاعري
حتى لو انا متلغبط فيها
و علشان خاطرك ربي بيحفظ
كل حياتى و بيحميها
قرار : هلى يا عدرا بنورك هلى
سهران على بابك و تملى
وجودى فى بيتك بيخلى
قلبى بيفرح و يحس بعيد
لما نشوفك فبنطمن
مهما هيحصل امى فى ضهري
بطبطبى على قلبى فيسكن
و يروح الخوف يبعد لبعيد
بيت ٣ : في حبك نتجمع علطول
و نقول عنك فسهرنا يطول
شكرا علشان دايما مقبول
ليا الشرف ابقى ابنك انا
بين كل الناس حبك معروف
عمرك ما خذلتينا فى معروف
و فى بيتك نتجمع بالوف
و تكون اجمل اسابيع السنة