كلمات الحلوة دي قامت تعجن

الحلوة دي قامت تعجن في البدرية
والديك بيدن كوكو كوكو في الفجرية
ياللا بنا على باب الله ياصنايعية
يجعل صباحك صباح الخير ياسطى عطية
فتحية :
طلع النهار فتاح ياعليم
والجيب مفيهش ولامليم
مين في اليومين دول شاف تلطيم
زي الصنايعية المظاليم
دا الصبر امره طال
وايش بعد وقف الحال
ياللى معاك المال
برضه الفقير له رب كريم
العمال :
الحلوة دي قامت تعجن في البدرية
والديك بيدن كوكو كوكو في الفجرية
ياللا بنا على باب الله ياصنايعية
يجعل صباحك صباح الخير ياسطى عطية
فتحية :
أولاد اوروبا مابيناموش
عن الصنايع مايونوش
الافرنجي دايما حلق حوش
والمصري جنبه يطلع بوش
سبع صنايع في ايدينا
والهم جاير علينا
ياما شكينا وبكينا
يا أغنيا ليه ماتساعدوش
العمال :
الحلوة دي قامت تعجن في البدرية
والديك بيدن كوكو كوكو في الفجرية
ياللا بنا على باب الله ياصنايعية
يجعل صباحك صباح الخير ياسطى عطية
فتحية :
ماتشد حيلك يابو صلاح
إضربها صرمة تعيش مرتاح
خلي تكالك ع الفتاح
يا للا بنا يا للا الوقت اهو راح
العمال :
الشمس طلعت والملك لله
إجري لرزقك خليها على الله
قوم شيل قدومك والعدة ويا للا