كلمات بورسعيد شباب ورجال

بورسعيد شباب ورجال

يا بورسعيد شباب ورجال الفخر ليكي مدي الأجيال

حاربنا جيش الاحتلال سبع ليالي وصبحية آه يا سلام يا سلام يا سلام

سدوا القنال ولا عدش مرور قطعوا المياه وكمان النور

والعيشة صبحت ظلم وزور سبع ليالي وصبحية آه يا سلام يا سلام يا سلام

بالليل سمعنا عربية ماشية تذيع روسيا جاية

أتاريها خدعة انجليزية مع العصابة اليهوديه آه يا سلام يا سلام يا سلام

حيوا معايا البطل مهران له فى التاريخ قصة ونضال
قدم عيونه فدا الاوطان وتعيش بلدنا فى حريه آه يا سلام يا سلام يا سلام
عسران يا اسم باقي هيعيش حط القنبلة فى رغيف العيش
وخلا وليم مات فطيس وولعوا به العربيه آه يا سلام يا سلام يا سلام
عملوا حصار ع المدينة 250 سفينه
وفى لحظة قاموا هجموا علينا سبع ليالي وصبحية آه يا سلام يا سلام يا سلام
غاروا علينا بأساطيلهم في الجو تيجي تنزلهم
وأحنا بشجاعة نقاتلهم سبع ليالي وصبحية آه يا سلام يا سلام يا سلام
لما فشل ايدن واحتار صب القنابل ع الاحرار

ضرب البلد وحرقها بنار سبع ليالي وصبحية آه يا سلام يا سلام يا سلام

أيه يا أنجليزي أخرتها معاك شارب زبيب واللا كونياك

ورجعت وشك زي قفاك من بورسعيد الوطنية آه يا سلام يا سلام يا سلام