كلمات انته ذهب

انته ذهب ما ينلقا وسط الاسواق
وانته الزهر لي يانع في البساتين

وانته وصالك شافي كل الاعواق
وانته عيوني و انت سيد المزايين

متملك قلبي و روحي و الاعماق
من يوم شفتك يا حبيبي الى الحين

كل المحاسن تجتمع بك و الاخلاق
سباحنه الي خالق الناس من طين

صور جمالك فرق يا شمس لشراق
وخذيت كل الزين يا كامل الزين

واخذتني عن كل ناسي والاصداق
مشاعري لك في المحبه ملبين

سيطرت يا ذوقي على كل الاذواق
سحرتني بالخد و الرمش و العين

كتبت لك شعري على بيض الاوراق
ابيات تشهد للمحبه عناوين