كلمات أحنلهم لـ

أحنّـلهم وأكولن باچر يرجعون
بس يا خوفي ما يلكون شبيه
شفت روحي بالمراية وبچن العيون
متغيّرة وأحسّ بروحي مو هيّ

لغير عيونهم لا تظن أخذني الشوك
أنا ذاك اللي يحنّ لأيّام ماضية
أقلّب بالليالي ألكاهم أغلى الناس
چذب من كال صاروا ذكرى منسيّة

أكول نسيتهم يمكن وقانع الرّوح
أشوف عيونهم كدّامي يوميّة
عشرتهم عمر مرّتني رمشة عين
ويا سنين بس حاسبهن شويّة

همّة العاشرتهم ضيّعوني بساع
من الغربة بعد أترجّى حنيّة
من الغربة بعد أترجّى حنيّة

أنا صفّيت نيتي وبكلّ صِدك حبّيت
همّة ويّاي أبد ما صفّوا النيّة
وجهي الچان يضحك لمن يمرّون
بكسر الخاطر اتغيّرت معانيه

وبعد عندي أمل لازم إلي يحنّون
شما يغيب الكمر لازم وراه جيّة
آني الحزن بيّة يبچّي كلّ الناس
أشبه بالنهر لو عافه شاطيه

حالي يا روحي شوفي شتسوّين
عايش بالقهر لا تكولي شعليّة
أكول نسيتهم يمكن وقانع الرّوح
أشوف عيونهم كدّامي يوميّة

عشرتهم عمر مرّتني رمشة عين
ويا سنين بس حاسبهن شويّة
همّة العاشرتهم ضيّعوني بساع
من الغربة بعد أترجّى حنيّة
من الغربة بعد أترجّى حنيّة

اغنية أحنلهم – محمد عبدالجبار
Mohammad Abdul Jabbar – Ahanlham

المزيد من أغاني محمد عبدالجبار
غيابهم طول
صفا
ناس ما يسوون
وين الغرام
هايه مو جديدة