كلمات اشارة

ربنا بيديك اشارة
وبرده بتعاند ف روحك
ليه مكمل ف الخساره
وهو دا اخر طموحك

اللي سايبك سيبه وامشي
ليه كده متبت ف ديله
ناس غريبه متتعاشرش
واللي جاي نشوف بديله

في علامات.. امارات.. و حاجات تدلك لخير...
اي قرار.. تختار.. اسأل ربك  استخير.
قافل عين.. و اتنين.. انت و بين الصح باب.
افتح روح.. مسموح.. تفهم تعيد الحساب.

ليه صاعبة الحكاية
برغي ف نفسي و معايا
قلبي عليك هواية ,,تغلط تغرق ف بير
شوف واقرا الرسالة
مضمونها تقول تعالى
كل يوم ف حالة ..ارجع ده طريق خطير

أي حاجة تشوفها العين
او تلمس الاحساس
دي رسايل ربانية
جاية تفوق كل الناس
و كل ده ربي بيناديك
وانت ولا فايدة فيك
بص و شوف حواليك
اشاراته ليك حراس