كلمات يا بابا لاون جايينا

-----
يا بابا لاون جايينا، ت تحكي كلام
روحاني حتّى تمشّينا، ع درب السلام
قولك فيها الكلمة، تسكب فينا النعمة
وشيطان الكون حوالينا، حايم ع الدوام؟
حاول يا بابا تنجّينا من شرّ الظلام

البابا فرنسيس اللي قبلك، كان حابب لبنان
يزورو، ت يقوّينا متلك، ع درب الإيمان
من الشرّ اللي عنّا، الـ غلغل بموطنّا
ما وفّى بوعدو والعلّة: صدّقنا، مش منّا
مكتوب يعيش المآسي، كل مين صلّى وصام؟!
حاول يا بابا تنجّينا من شرّ الظلام

يا بابا لاون ع وجّك ظاهر طيبة قلبك
ع لبنان برحلة حجّك، داوِ حرقة شعبك
فينا الشرّ اندس! خلِّ الشعب يحسّ!
مالو إلاّ الفادي وإمّو وألله وإنت وبس!
القدّيسين الـ تعبوا منّا، ريّحهم... حرام!
حاول يا بابا تنجّينا من شرّ الظلام