كلمات Triq Twila
غادي فطريق مظلمة
فبحر الهم عقلي ترمى
وسط ظلام الليل تالف
و هنايا نعيشو غي فحلمة
وسط صحراء شاد طريقي
مانعرف عدويا من صديقي
كلشي ضاحك مبتاسم
لينشوفو نقولو رفيقي
غادي تالف كاندور
زهري فحياتي ما كان مذكور
غمض عينيه و غاب
فطلوع الشمس ما جاني نور
غادي قاصد مرادي
واخا فطريقي عاد بادي
غي وهم ت الاصرار
ليخلاني فطريقي غادي
--------------------
غادي و طريقي طويلة
فصيف فالشتاء يا مالقيت حيلة
غادي و طريقي طويلة
وا يا دنيا عشنا فيك شحال من ويلة
غادي و طريقي طويلة
ظليت عايش بكية على كية
غادي و طريقي طويلة
وا يا دنيا علاش راكي تلعبي بيا
---------------------
قطار الحياة غادي و عقارب الزمان راها دور
وانا فطريقي عاد بادي سفر طويل طريقو محفور
مابغيتش نقطع رجايا و نياس ولا نبان مغبون
واخا الظلام سكم سمايا و خلاني فالتخمام مسجون
ضحكتي فوجهي باقا حاضرة تستاهل شحال و شحال من نظرة
واخا قاسيت بزاف و لكن الجرح را غايبرا
ماشي ذنبي لا تبدلت و بعدت و بقيت غي بوحدي
و لكن طريق طويلة علماتني كلشي بيدي
------------------
غادي و طريقي طويلة
فصيف فالشتاء يا مالقيت حيلة
غادي و طريقي طويلة
وا يا دنيا عشنا فيك شحال من ويلة
غادي و طريقي طويلة
ظليت عايش بكية على كية
غادي و طريقي طويلة
وا يا دنيا علاش راكي تلعبي بيا