كلمات ربّ الحزن

أنوار عم بِتْنوس
طرقات مهجورة
وجْفون عم بِتْدُّوس
عَ عْيون مقهورة

وإيّام الضّباب
اللي متل السّراب
تْخَرْبِش عَ الْبواب
للحزن صورة
وطرقات مهجورة

يَ عْيون ما تغفي
بْلَيل الشِّتي الهادي
فيكي الفرح صدفِه
والهَمّ شي عادي
صار الدّمع مدفوع
محسوب عَ الْوَرْقة
فْواتير حَقّ الجوع
تِنْباع بالسّرقة
وقْلوب محترقة
بِكْياس مَصرورة
وطرقات مهجورة

كِلْ شي بيقلَّك غيب
عن هَالأرض وعن نارا
بسّ رح تبقىٰ غريب
إذا ما بْتِحمُل خَضارا
جَمِّل وطن بحروب
تْشَوَّهْ وجهْ تَعَبو
وعَلّي علَم مَخضوب
لَوْنو بْدِما شَعبو
جَمِّل وطن بحروب
تْشَوَّهْ وجهْ تَعَبو
وعَلّي علَم مَصلوب
ألوانو من شعبو

إنتَ الحزن رَبّو
وإنتَ السّما ونورا
بْطرقات مهجورة