كلمات شريان دارِي
كفيت يا شريان داري ووفيت
واغنيتنا واخذتنا لصداره
وعلى العطا ما مر يوم وتوانيت
يالين قدنا فوق راس المناره
من يوم قامت دولة العز واعطيت
وحبشان لين اليوم تشتب ناره
وصارت عليك ادنوك ترفع بك الريت
في سوق لسهم فوق سوق التجاره
ويقودها شبان خلو لها صيت
بالجد مع تنظيم حسن الاداره
ومنك اظهرو مربان انقا من الزيت
واصفا واندر نفط عالي عياره
وياكم من مليار لدار ضخيت
واسهمت في امن البلاد وعماره
وياكم من طابع تراثي تبنيت
للمجتمع دعم الهويه شعاره
في امر من مكن ظهورك وقويت
داره وعزك من بنا عز داره
وبنا بك بلاده ووثق بك البيت
وغدا اقتصاد الدار نامي مساره
لي بيّد بفعله عزوم الطواغيت
وامن وطنا وامن احدود جاره
ونحنا جنود محمد افكل توقيت
نحمي عصب داره.. ونحمي دياره