كلمات انا اسمي دوله Ana Esmy Dawla

سيبكو من كل الي فات انا جي
هولع بلادكو وهضرب حي
انا الي في مجالي عامل قلبان
مفيش حد شبهي مفيش حد زي
كوارث هتحصل وحاسب يا غالي
سايقها بكيفي سايبكو بمزاجي
طب الحق حياتك وهب استعد عشان انا حبه هعمر وهاجي
طلقه سده مش مستعده
اللحق يا خال المده شده
انا اهو بطولي وكتيبه جولي
ولعت دوله اصل انا اسطوري
حجات حجات شغل البنات
صحيح ياصحبي كله بكاشات
وحجات .. بكاشات
الضربه قاضيه وايديا فاضيه
تنسف حياتك انشف يا شاديه
الكل ضدي وانا اهو معدي
لو كنتو لمه ينسفكو عيندي
الاسم فوق ولع حروق
متخفش ياسطي حاسب يا زوق
الاسم فوق ولع حروق
متخفش ياسطي حاسب يا زوق
مونديالي وانت محلي
جايز تعلي جايز اعلي
مونديالي وانت محلي
جايز تعلي جايز اعلي
انا اسمي دوله ومروض اسود
هتلكك هجيبك بسلاحي هتموت
قنصتي دي حضره وعقلي مسافر
لا مش 9 ميلي جرانوف علـ حدود
كلامي ماخر وفعلي ده سابق
اخوك ياسطي حمله لاكن مش سوابق
صياعتي في مخي والعقل السليم
لو جسمي سليم يبقي حاسب ولاحق
شمال مش شايفكو يمين رحتو فين
انا ليا جيش سنين فوق سنين
كوارث عملنا محدش شاغلنا
ونيتنا صافيه من جوه سلكين
هتيجي عل الابيض هتبقي في عيني
هتلون وترسم اخترت ترازيني
وانا يابني خلقي مش حمل العيال
هغير ملامحك تيواني وصيني
حيطان المدينه عليها صورنا
وكل الي عدي محدش شاغلنا
انا يابني فوق متصحيح وروق
ده مهما كبرتو هتبقو عيالنا
صياعك عجبني متزود ياعم
انا عندي عزبه وانت مفيش دم
جربت الشقاوه طب حبه هداوه
تعالي واتفرج كلامي ده سم
سالت عليكو ملقتش الجواب
لو حسيت بنفسك هتشوف العذاب
انا جوه بيتكلم معلم ودايس
انا في البطاقه المهنه خراب
هقبل ودايس محدش هاممني
لو قلبك موديك تعالي وعاركني
هتشوفني تغمص وراسك مكسوره
وان يوم شوفت اسمي هتقول ده هايني
شباكي حيتان شبابكو بساريه
انا درجه اولي لاكن انتو تانيه
اسطوره في نظرك في اي مكان
معلي عليكو هوريكو في ثانيه
انا لسه فوءك انت بشوءك
الدنيا بحر وانا هبقي طوقك
انا في السحاب لا مش غراب
ام انت بومه مصاحب كلام
افرح وهيص عادي اشطه بيس
انت في بطاقتك انا كاتبه خسيس
احسيس يا خسيس
كلامي ماخر وفعلي ده سابق
اخوك ياسطي حمله لاكن مش سوابق
صياعتي في مخي والعقل السليم
لو جسمي سليم يبقي حاسب ولاحق
مونديالي وانت محلي
جايز تعلي جايز اعلي
مونديالي وانت محلي
جايز تعلي جايز اعلي
كله بكاشات
كله بكاشات