كلمات حنين
حبيبتي ياللي فوصفك الحواديت
يا اللي الحياه في لحظه بتغني
قامت حروب تكتب لها كام بيت
وقت الغروب فعيونك البني
انتي الجمال اللي ليه غنيت
و انتي القمر اللي بعد عني
انتي السهر اللي منه شكيت
تنساني ليه و تروح و تشغلني
عدي حوالي م الليالي اتنين
و الليله دامعه حالفه ل تغلبني
و القلب ساكنه في الجروح سكاكين
و لا واحده منهم راضيه تقتلني
و انا لسه ساكت و الدمعه لامسه العين
و بسمه منك في خيالي تصبرني
لا ب إيدي لولي و لا انا علاء الدين
حتي الاماني صعبه علي الجني
انا اللي تايه م بين شوق و حنين
يا دقه قولي و غني و اتمني
و ده حالي من يدوب ليلتين
و ده قلبي آه بس تعب مني