كلمات هالمرّة بقلبي

خْوارِيف ورَعيان وماجوس عم تِركَع
ونِجمة كبيرة بالسّما تدِلّ علَيك وتِلمَع
طَلّيت على الكَون بِفُقر ومَحَبّة
...بِمغارة بردانة ما أعظَمَك يا ربّي

وانا رَح ضَوّي شْمُوع وصَلّي بِخُشوع
لَيُولَد يَسوع هالمرّة بِقَلبي

يا جراس وْيا زِينِة وهَدايا وْلاد
خَلّي الحُب يِكبَر يا عِيد الأعياد
يا بَراءِة طُفولة يا سَهرِة إيمان
يا روح التّواضُع تجَسَّد بِإِنسان
خَلّي قلبَك مَعنا بَعرِف عَم تِسمَعنا
وبِحَنانَك حْمِينا وإِحمي لِبنان

طَلّيت على الكَون بِفُقر ومَحَبّة
...بِمغارة بردانة ما أعظَمَك يا ربّي

وانا رَح ضَوّي شْمُوع وصَلّي بِخُشوع
لَيُولَد يَسوع هالمَرّة بِقَلبي