كلمات انساها للرجعة

انساها للرجعه
متغشني بالدمعه
شلي بغرامك والعشك
وعيونك الوسعه

تتوقع بسرعه
انسالك الوجعه
لااا يا حبيبي ابو طبع
ميجوز من طبعه

وياك جربت وشفت
كل المصايب والهم
الشفته منك مو سهل
بس الله يدري ويعلم

من عشرتك تايب
لتردلي يالغايب
انت العفت كلشي
لتلوم ولتعاتب

متحس على دمك
ماريد اظل يمك
واسمك اذا يمي انذكر
اتعوذ من اسمك

اوف شكثر همك
وجروحك وظلمك
اي والله لو صرت الهوه
هم ارفض اشتمك

حيرني حبك للاسف
وشلون افهمك اكدر
تذكرني بفصول السنه
كل فتره اشو تتغير

ماكمل اعذرني
ويا اللي تعبني
من عشرتك تايب
تايب ومستغني