كلمات من جديد

من جديد ابدا المحبه و الغرام
ارجع وعيش العلاقه من جديد
كل فتره و فتره جدد الاهتمام
تلقى نار الشوق مشتعله وقيد
اسقني حبك من عذوق الهيام
باسقات اشواق و بطلعن نضيد
ومن يقول الحب واحساسه حرام
لو عرف حبك سال هل من مزيد

ادري ان الحب ماهو بالكلام
ولا ورود ولا اغاني ولا قصيد
اما حب يكون مبني ع احترام
ولا مانبغي محبه ماتفيد
صح بعض احيان هناك خصام
بس طعمه غير وشعوره فريد
ازعل و ارضى و اعيشك سلام
طاقتك تجذب رضايه من بعيد
انته اخر حب و مسك الختام
وانته فتنه عمري وانته الي اريد
خلنا نرجع ونعيد الغرام
نرجع لاول ونبدا من جديد