كلمات سيوف نجاح

العز يهل العز يبغاله كفاح
والكايده من دونها سدا صريح
غير الشجاع اللي يوردها ذحاح
متحزم بسيفا على جنبه مليح
ابيات شعري عذبه وصافي جراح
في محتواها طيش فكري مستبيح
حمدون ابن مايد وفعله ما يزاح
راقي على القمه وغيره يستريح

صيته ما بين الخلق شعال وصديح
تزهى في بن حمدون جزلات ومداح
وفعله ترا والله يجرك للمديح
لا من مدحته والله ان مدحي مباح
قرما مساره ديما هبات ريح
على بيوت السبق وسيوف وشناح
تجمع المعنى على صرحا فسيح
للنادره قصه على جهد وكفاح
على مساريها ما تظوي بالشحيح
اربع سيوف اقفن وودتهن رماح
وصار المعزب بعدهن صدره شريح

لي عزمها ثابت ولا ابدا يطيح
هاذي نجاح ولا مثل طاري نجاح
محبوبة الجمهور يالوجه الفليح
ياحي وجها صدق مصباح وفلاح
لا من نظرته يشفي فوادا جريح
وعيون حرا كنهن داجي صباح
وذنينها شلفا معاديهن جنيح
وفرقبتها الطير ما صدر وناح
من فوق عرنونا به الشامي نفيح
والغارب الممتد يزهى به وشاح
ومن لبطها للبط مجيال ونزيح
ومن زورها المنكوس بن السبق فاح
جمهورها تكرم ولا الهقوه تطيح
مفتولت الذرعان مطلوقت جناح
وعزم الضواري من منابتها نضيح
فجا نحر مبرومة وروك وطفاح
والجوف عودا من رهاوتها شطيح
سمرا عليها نادر الشعر ينضاح
وباقي السنين بمثلها صعبا تبيح
يوجب على من مثلها حد وصلاح
ولا تكسح سمعة الساحه كسيح
ترا العجايب سبع ثامنهن نجاح
عند ابو مبارك على دربا صحيح