كلمات سالت الحب

سالت الحب عن تاريخ عيده
و جاوبني و عندي الف شاهد
يقول افرح لقيت اللي تريده
انا مولود في عشرين واحد

عسى يوم الهنى ربي يعيده
و انا و اياه نحيا و نتعايد
معك يا بسمه العمر الوحيده
حبيبي بس و اغيظ الحواسد

تعال نعيش لحظتنا الفريده
يزين الوقت و تهون الشدايد
ترى الدنيا رجاويها زهيده
و لا تسوى زعلها و النكايد

احبك حب وصفي ما يجيده
شعوري جمر و اثر الحكي بارد
شعوري طفل لو خذته من ايده
ملى دنياك احساس و نشايد

لك بقلبي عصافير و قصيده
اغنيها و لا كل القصايد
لك بروحي تناهيد و نشيده
نرددها لا من غبت واجد

سالت الشوق و القلب و بريده
سالت الورد و الماء و القلايد
سالت وقام كل يرفع ايده
انا مولود في عشرين واحد