كلمات فخر بلادك

تحتفل هالدار بك وتبارك امجادك
يا سمي الخير زايد طيب ورفعه
وبشعور دبي باسمك غنت بلادك
زايد ابن المر ابن مكتوم ابن جمعه

للتخرج عيد يشبه عيد ميلاد
كل خطوه فخر زادت بالفخر شمعه
زايد اللي بالمعاني ربنا زادك
بالطموح وبالوفاء والطيب والفزعه

ساندهيرست تشهد باسمك بين اندادك
والوطن له طبع وانت مرايه لطبعه
حقق الله مرادنا بالعز ومرادك
والقلوب اللي تحبك ترقب الرجعه

زدت دارك عيد والله يبارك اعيادك
فرحه ال مكتوم ونهيان مجتمعه
انت نهر منبعه عزوتك واجدادك
والوفا في النهر جوده من وفا نبعه

كفو يا زايد وقوله كفو تعتادك
والرجل بالفعل ولا الحر من طلعه
تفخر بلادك يا زايد بك وبامجادك
يا الكريم اللي يشرف لابته وربعه