كلمات الدار المهجورة
فين لي كانو ينصحونا
يعلمونا الدين والحشمه
فين لي كانو يصالحونا
بكلام المحبه و الحكمه
فين لي كانوا يصارحونا
الله يجل عليهم بالرحمه
علاش هاد الدار مهجوره
ناسها غابوا عليها
كانت عامره معموره
القمره والشمس فيها
كل بيت فيه صوره
ما يسخى حد بيها
صبحت ساكته مقهوره
ما بقى حد يجيها
كانت زهور ونوار
الطيب والعود القمار
وجوه بحال البلار
مصابح شاعله ودراري
القبله والله اكبر
حيوط عاليه وسواري
غاويه لجميع الزوار
سبحان الباري
الدار عمرات وخوات
وكلها قبط طريقو
غابو الولاد غابو
غابو البنات غابو
و لخو نسى شقيقو
وفاضت العين و بكات
وبكات العين و بكات
وكلها صابر لحريقو