كلمات انت زود للحكومة وللبرلمان
في نهار يذود الرجل دون ابن عمه
اربعة اربعة تبشر بنا يا مبارك
المهمه كبيره وانت قد المهمه
ابتجح والنوايف فوقها شب نارك
حنا معك يابو فهد
منين ما حمي الوطيس
ترى الوعد يوم الوعد
شهر اربعه يوم الخميس
للـجزاله و التفرد و كيل معتمد
لا دعا الداعي ما للعذر درب ولا مكان
كل ماقف يطلق الوجه عنه مانصد
يابن ذروه وانت لك عندنا شان وكيان
المعاريف نحفظها ولا خنا العهد
ما يقدم ف الصفوف الكبار الا حصان
وانت والله راس ان كبرت الوقفه تعد
كن مال لطاري العذر فلسانك مكان
وانت منصا ل المهمات ياوجه السعد
تفتخر فيك النشاما على مر الزمان
جعل يفداك الهلامه ليا قام وقعد
من كثرها ويش نحصي وش نقول ونعد
يالحزام الي ليا كبرت الوقفه تبان
يا سلام الله على الفعل من قبل وبعد
من بني عمي هل المجد وطوال اليمان
لابة ماهيب تخلف ليا قرب الوعد
قدمو من يدحم القوم بجنوب متان
ابلج مثل قبيلة و مثل له بلد
انت والله ذخر روس الهواجر وقحطان
وانت جلاي المصايب وحلال العقد
وانت زود للحكومة وزود البرلمان
و الصعايب والمواقيف يا مبارك فهد