كلمات درب العليا
وصى عياله ذاك الشايب
واشهد انه قوله صايب
لي ما يا في الشده ثايب
درب العليا ما يوصلها
نحنا دونك يا موطنا
نقدم نقدم ما نتثنا
لك عهد وميثاق منا
وبنت الشايب ما نخذلها
نمشي في شوفه قايدنا
سمع وطاعه في موعدنا
نوفي بالعهد ان عاهدنا
والانفس لاجله نبذلها
نطلع نسطع يوم اللازم
نشنع نقطع قطع الحازم
نصنع نمنع ما نتعازم
والزقره نحول فاولها
نتفاخر بعيال الدوله
لا حان اللازم صفوله
والفاعل يثبت مفعوله
واخباره كل ينقلها
فالصف الاول تلقاهم
عند الواحب لا ناداهم
لوم اللايم يتعداهم
والعادات اتعرف اهلها
معنا شبان شميميه
فيهم هيبه ونار حيه
يوم الحرب تسوي عيه
وقفتهم ماحد يجهلها
ما يرضون الا بالوافي
قدوتهم مقدام اسنافي
بوخالد ملفى للافي
والسمعه العليا حصلها
قايدنا يا نعم القايد
بو خالد كالطود النايد
متشرب من منهل زايد
ودروبه صعب مدهلها