كلمات عشاق ليل

الام
لاتجرحيني جرحك العام ماطاب
داوي بحنانك مامضى و إجرحيني
ياللي حنانك نظرة بين الأهداب
ردي علي بعض العزا ناظرينـ
توافد الغيم قبله والهوا زمه
والتم شمل السحاب وناض براقه
وسرا رزيز الرعد في عرض ملتمه
وانساق غيث المزن سبحان من ساقه

كثر انعزاله عن العالم ودناقه
يسوق رجله يدور للسعه يمه
لعل والا عسى يسلى تغلاقه
على الذي لا امدح وصاله ولا اذمه
لا العهد عهده ولا الميثاق ميثاقه
عشاق ليل يحضن الهم ويلمه
على طريق اللقا والشوق وعناقه
تخالفو ف اكبر من العذل والنمه
و لا للعذر وجه لو ما للصبر طاقه
وتفارقو وآسف المتعمد مطمه
كثر الخطا لا عطا وجه العذر باقه

ما استوحش الليل دون الدرب عشاقه
عودت من دون درب كل ما اتمه
علقت به قلب يوجعني تعلاقه
أجنبه واتحاشى روحتي يمه
اخاف ذكراه لو اجيه بسراقه
هبت رياح الوداع اللي بلا يمه
واهتز غصن الغرام وطاحت اوراقه
غير الغلا ما بقى له شي ف الذمه
الا الله يسامحه ويسامح فراقه