كلمات القصيدة المعارضة

يَا عَاشَقْ الًّزينْ والْبْهَا عَذْرُوكْ العَاشْقينْ لاَ تَبْقَاشِـى مَحْتَارْ
ولاَ َلُومْ عْليكْ فْماَ جْـرَا
عْذَ رْني لله وْلاَ تْزيدْ فْتَغْيَاري

لاشْ تَتْـأَوَّهْ يَا لـيعْةْ خَاطْري يَنْحَالْ جَسْمَكْ تَدْبَالْ وْتْصْفَارْ
لاشْ تْقُولْ عَليَا مْكَـبّْـرَا
أَوْ تَاخُذْ ِتِيهِي عْلِيكْ كَنْ لَعْبْ دْرَاِري

يَاكْ الِّتيهْ خَصْلَةَ مَحْمُودَة فَالّْنسَا كْبْرْ شَانْهُومْ أَوْ صْغَارْ
وْلَمْرَا قَالُوا دِيمَا مْعَفْرَا
والْغَالَبْ فطْبَاعْهَا تَعْشْق وَ تْدَارِي

وَكْدَا تَتْمَنَّعْ وْهيِ الَّراغْبَة وِتَتْقَلَّبْ وَتْرَاوَغْ وَتْنِيَّمْ لَشْفَارْ
وَ إِلا كِيفْ تَتْسَمَّى يَا تْرَى مْرَا
وْلَمْرَا بْهُوتْهَا قُفُة وعَيْن ْ شُوَارِي

القسم الثاني

يَاعْشِيقْ عَشْقَكْ صَادَفْ مَرْمَاهْ وَلْمَسْ أَوْتَارْ قَلْبِي سْكَنْ لَصْيَارْ
إِنَّمَا أَنَا عَذْرَا مْطَوْرَا
نَبْغِي نَعْرَفْ سُومِي وْقِيمَةْ مَقْدَارِي

أَنَا َبْنتْ وَقْـتِيَّة وْعَارْفةَ قِيمَةْ َنْفْسِي وَالَّناسْ، بْلَقْيَاسْ وْلعَبْاَرْ
قِيقَانِـيَـَا مْحَـضْـرَا
مَنْ أَوَّلْ كَلْمَة نَفْهَمْ وْنحْفَظْ سْوَارِي

أطْلَقْنِي فْوَسْطْ غَابَة مْنْ غْيلانْ نَخْرُجْ سَالْمَة مَنْ السَّنّْ وْلَظْفَارْ
وَنْعَجْبَـْك فَـالِبيعْ وْ فَـالشّْـرَا
سَالْ فْلَوْسَاطْ آشْ تْكُونْ أَدْوَارِي

حَالِي أَحْوَالْ . بْلَمِحَبَّة تْرَبِّيتْ ولَمْحَنَّة فِيَّا طَبْع يُحْمَاد ْويُشْكَارْ
وفْجْمِـيعْ الْحَـزَّاةْ صَابْــرَا
مْنْ كْلامِي تَعْرَفِني مْجَبْدِينْ أَوْتَارِي

القسم الثالث
عَلَّمْنِي وَقْتِي نْغَامَرْ وَنْجُولْ فْالدَّنْيَا الْوَاسْعَة تَرحَالْ وْأَسْفَارْ
وأنا لِّي كُنْتْ فْلَخْيَالْ عَاثْرَا
فَاشْ يَا تْرَاهْ يْفِيدْ الْقَيْدْ وتَزْيََارِِي

لَفِّيتْ العالم بَلْكَمالْ ولَلرَّاجَلْ خَاوِيتْ حَتَّى مَنْ شُغْلْ الطَّيَّارْ
وَلِّيتْ بَالطَّيَّرَاتْ طَايْرَا
وأنت تَبْغِي تَحْبَسْنِي فِي دَاِري

ياْك تَعْرَفْ الْجُودْ وْلَحْيَا بْالشَّرْعْ وْلَعْرَافْ وَاجْبِينْ فْكُلْ الأَمْصَارْ
فَالْبَاِديَّة وْفَـحَـاضْــَرا
وأنا بَلْعَزْمْ تْخَطِّيتْ صْوَارِي

دْخَلْتْ مْيَاَدينْ لَعْلُومْ كَاَّفة وكْذَلَكْ لَفْنُونْ غْزيتْهَا وَتْحَمَّلْتْ أَوْزَارْ
شْكُونْ يْقُولْ عَلِيُاَ مُؤَخْرَا
لَوْمَا جَهْلْ الَّناسْ مَا يْعَرّْنِي تَوْخَارِي

القسم الرابع

يَاعَاشَقْ عْطِينِي مَنْ طِيبْ خَاطْرَكْ وْسَامَلْ لِيَاسَاكْنَكْ صَفِّي لَفْكَارْ
الـِّدهْـْن وَالسّْـِريـرَة مْـَنَـوْرَا
وَاِزي نَبْغِـيكْ بِينْ قَـْلبِي وَافْـَكاِري

مَاتْلاَشْ وَقْتْ مْحَبة دُونْ تَفْكِيرْوَالْحَاصَلْ فَحْبَالْ تَعْسُومَايَلُّولَشْوَارْ
وَلاَ فَحْرُوبْ وَقْتْنَا لُو مْسَاقْرَا
مَشْمُوتْ وْمَغْبُونْ وْمَدْكُوكْ َبْيَباِري

الاانت ْقْصْدي فْهَمْتِي وَبْغِتِي بْحَجّتِي تْكُونْ وَلْفِي راه حداك الدَّارْ
نَعْنِي مَا تَحْتَاجْ مْعَايَا مْشَاوْرَا
عْلَى َباْب الدَّارْ يْـبَـانُـو لَيْـَمِاري

خُودْ اَرَاوِي بَاشْ تْصُولْ قُـَّدامْ مَنْ صَـالْ مَنْ ذَهَـْب الـتَّـْشحَــارْ
َمْنْ وَحْيْ الْكَلْمَة السَّاحْرَة
عَلَى لْسَانْ صْبِيَا مَسْكْ وْعُودْ قْمَاِري

صُولْ بِـيَهـا وْقُولْ قَالْ الْفِيلَاِ لـي مْعَارْضَة لَـّْشِريفْ فَـْلـشْعَارْ
الْعَلَمِي عْنِيتْ يَالِّي مَا ْدَرا
عَاشَقْ وْمَعْشُوقْ قْيَاْسَها حَضَارِي

فَـْن وَنْبَاهَا ْوَمْعَنى َوْشُغلْ يَحْتَارْ فْاَمْرُو وْيَـْنذْهَــلْ جَـْمْع الْحُـضَّا رْ
ولَعْــدَا تَبْقَى مْحَـسّْرَا
هَذَا مَاهُوَ ِسّْر. شَاعْ خْــبَارِي