كلمات انا لما هحب
✍️ كلمات: محمود عادل كلازا
🎼 ألحان: كريم نيازي
لما هحب
هبقى حنينه جدا على اللي انا قلبى اختاره
هبقى طريقه وضله ونوره اللي ف مشواره
لو زعلني ف يوم وصالحني انا هصفاله
انا لما هحب
هبقى مطرقعه مجنونه وفعلا مختلفه
لو مره زعل مني ببساطه هقول اسفه
هبقى ف عينه اجمل انسانه ف يوم شافها
هتنرفز طبعا واتعصب
لو جت واحده منه تقرب
وهخلي الجو بقى مكهرب
انا مش سيباه
هضحكله اما يكون متضايق
او حتى ف زعله يا ناس سايق
ولحد م باله يكون رايق
هفضل وياه
انا لما هحب
ههتم بحكاياته و شغله وهسمعله كتير
هفضل شايلاه جوه عنيا وعلى قلبه هغير
هدعيله ف كل مناسبه معاه تتعاد بالخير
انا لما هحب
هختار وياه لبسه واكله وكل التفاصيل
وهضايقه لو مره اتجنن وعاملي تقيل
هتقل انا برضوا وهصالحه حسب التساهيل