كلمات الجوهر النادر

مضى عمري وأحلامي تسابق فيني أوهامي
ولا صدق منك يا أيامي مادام إنك تصحيني
من الأوهام والصدمات ومن لا قدّر الوقفات
ومن خابت به الهقوات وكل غلطات تنهيني

تعبت وصرت متساهل أعيش الوقت متجاهل
ثقيل الدم والجاهل وكل من لا يرى عيني
تبعثرني خطاوي ليل مسامرها يهد الحيل
أذوق المر أذوق الويل وحالي دوم مشقيني
وحالي دوم مشقيني، وحالي دوم مشقيني

عليّ يا دنيتي حني أعيش بعالمي كاني
غريب ودوم متمني وطن في قلب يحويني
من الضيقة من الحرمان من القسوة من الهجران
تعبت بعالمي عطشان أبيه الوصل يرويني

وشفتك بالسماء نجمة تطالعني ومبتسم
ملاك الكون لي نعمة عن العالم بتغنيني
فتنتيني بتفاصيلك جذبتيني بأساليبك
سحرني طهرك وطيبك قلبتي كل موازيني

أحب الكون بأفراحه ولو حسراتي مجتاحة
حياتي ودوم ذباحة طموحاتي بتكفيني
ولا أجمل من طموحاتي ما دامك كل غاياتي
ومصدر كل راحاتي بهمسات تسميني

حبيبك نبضك أنفاسك نظر عينك وإحساسك
وتاج مزينة راسك يا كل الزين في عيني
أشوف الكون بعيونك جميع الناس يفدونك
ولو خانوك ما أخونك ما دامك من تداويني
(ما دامك من تداويني (ما دامك من تداويني

من جروح تعذبني وكل حسرات تسلبني
من الراحة وتكتبني أسير الحزن يفنيني
أشوفك جوهر نادر بهمّي وحده القادر
يبدد حزني الصادر من أعماقي ويشفيني

حنان الكون بأعماقك أشوف الحب بأحداقك
وأحاسيسك وأشواقك تموتني وتحييني
يا نصفي الثاني بين الناس والأول إنت له نوماس
يا درة يا ذهب يا ألماس يا صفحاتي وعناويني
يا صفحاتي وعناويني، يا صفحاتي وعناويني

جمعتيني من الماضي وصرتي الخصم والقاضي
تبيني بحكمك الراضي بفعلي بس جازيني
أنا عشتك بعمري حلم وصرتي في حياتي علم
غيابك عن عيوني ظلم طلبتك لا تخليني

يا نجمة صرتي في يدي حدود اليوم ما عندي
ولا يوقف أبد حدي ما دامك من تقويني
ولو عشنا العمر عمرين أحبك عشق بالاثنين
ولو عادت سنيني سنين عشقتك لآخر سنيني
(عشقتك لآخر سنيني (عشقتك لآخر سنيني