كلمات هيلمان الشعر

غن يا مسعود ابن شعفول يا الصوت المداوي
والحميه ما تليق الا على راعي الحميه
غن واطربني وجر الصوت يا الراس الحماوي
هاجسي ما يبغي الا تم وابشر وايه ايه
هيلمان الشعر له كم عام فالشعار ناوي
غيبته بيبان رزق ورجعته رزق وهديه
تختلف كل القلوب الصادقه واللي تراوي
وتتفق ما تختلف فالمرجله والشاعريه

وفيه نجما بشرت به حرب وعتيبه سويه
واسمه مسري وهو فالأرض ميراد الشفاوي
بين خلوها وحبك البيت لحظه مفصليه
كم هقى به شاعرا ماهي تضيعه الملاوي
واستقر ان الله المعطي وفيه دهاه زيه
حجته كنها عصى موسى ايلا جات النخاوي
يفلج بحور القرايح وتغدي فالمهمهيه
ان فتل له بيت طمع اللي تورده الهقاوي
وان خصم بيت القوي مال القوي غير القويه
يامحمد بن مشيط الشاعر الكفو الرهاوي
حومة الميدان والجمهور تصرف لك التحيه

دون ربعك تلجم اللي كن وده بالخطيه
ماخذن قسمك مع الشعار يالكف الغناوي
وماخذ فالمرجله عين الرضا والقابليه
والمراجل ورث شيبانك مديحين العطاوي
يوم عاد الناس يكفيها من الهجمة مطيه
والوفا طبعك وأساس الطيب يعرف من يخاوي
خص من يحفظ مبادي الطيب وكفوفه نديه