كلمات قلبي تعبان من الهموم
بيعدي العمر وبيفوت
وانا علي حالي مبتغيرش
بضحك وانا من جوا بموت
وبحاول اني مابينش
بتدور وتلف الايام
وانا واقف دايما ف مكاني
مطلعتش خطوه لقدام
وكإن الدنيا معنداني
قلبي تعبان م الهموم
م الزعل مابدوقش نوم
حالي بيسوء كل يوم
ومحدش حس بيا
فجأه سرقتني السنين
ف الوجع كان جمبي مين
مش عارف رايح لفين
والحياه داست عليا
الدنيا دي صعبه ومؤذيه
مش لاقي امان ولا حنيه
اتكاترت احزاني عليا
وتعبت خلاص م التفكير
وخداني الدنيا ف دوامه
وف قلبي سابت الف علامه
صدمتني بجد ف ناس ياما
وجعت قلبي واذتني كتير