كلمات ١٠٠ لون

‎ساعات بنحن لماضي و حاجة فاتت
‎مع ان بعده عيشنا و عيونا ياما شافت
‎انا اللي كُلي عيوب و عدا كتير دروب
‎لكن معرفش من عيونك يوم يتوب
‎اتوهمتي و اتوهمت بـ كونّا فـ جنة
‎و بعد سنين عرفنا مش هينفعنا
‎نكون لبعض و هنسلم للبُعد
‎انا و انتي فالنهاية نسينا كُل وعد
‎ايوه انا زيك بخاف و بهرب ياما
‎لسه حُضنك اللي بيجمل لُقانا
‎بتمنى لو لـ مرة اشوفك من بعيد
‎لأجل تظهر ابتسامة حالف من غيرك مش هعيش
‎مش قادر اني اخبي ولا قادر اقول ظروف
‎حبيتك اكتر مـ الاغاني و مـ الحروف
‎و اد كُل مرة اشوفك فيها شوقي يبان
‎مش عيب اقول بحبك و من بعدك بقيت زعلان

‎قربيلي انا بـ ١٠٠ لون
‎خربي فـ حياتي و اهدميها اكتر ما انا مطحون
‎و لفي الكون سعادة دي الحياة فـ قُربنا
‎ارتاحوا كتير اللي اتمنوا يشوفوا بُعدنا

‎عدت سنين عـ البُعد و لسه بردو بتوحشيني
‎ناسياني ازاي و ليه رُدي عليَّ و عرفيني
‎اللي بينّا حُب ولا كان مُجرد وقت
‎شوفي سيبتي اد ايه ولا مرة فيهم انا فرقت
‎كُنت بوهم نفسي واقول مسيرنا نرجع
‎ما انا فـ قلبي كُل الحُب دا يبقى ايه هيمنع
‎في حاجات كتير عشتها مكانش نفسي تفوتك
‎مكانش نفسي اقول بحبك و يكون الرد سكوتك
‎تعالي شوفي ف بعدك ان حياتى اتدمرت
‎قالولي كتير كلام و مفيش كلمة منهم اثرت
‎انا كُل يوم بروح مكان انتي ما تكوني
‎اقف بعيد و استنى بس عشان اقدر اشوفك
‎مش بشوف غير صورتك جنب صورتى
‎كُنت اتمنى تقول بحبك و ياريتك ما قولتى
‎يمكن مش ذنبك لوحدك انا كمان غلطت
‎غلطت لما كُنت فاكر اني ليكي فهمت

‎قربيلي انا بـ ١٠٠ لون
‎خربي فـ حياتي و اهدميها اكتر ما انا مطحون
‎و لفي الكون سعادة دي الحياة فـ قُربنا
‎ارتاحوا كتير اللي اتمنوا يشوفوا بُعدنا