كلمات مراية الحب

مراية الحب
اطفيلي نور الاوضه و اطلع بره
سيبني لوحدي بعيط ما هي مش هتبقى اول مره
ما انا لو حكيت هتقوللي انا زعلان اكتر منك بصره
كرهت الكل مع اني بطبعي مبعرفش اكره
انا بتجنن صدقني
اصوات في دماغي مبتسكتش ولا بتبعد عني
مشيت من غير ما تودعني
معرفتش احرق صورك صورك هي اللي بتحرقني
بكتب و اقول هبعت مبعتش و قلبي هش
يمكن كنت ارتحت لو كانت جت قالتلي مبحبكش
الظاهر كده من جرح قلبي انا مبشبعش

بفتكرها و احزن هي ناسيه اسمي حتى
كنت بنسى كل غلطه قلبي كان ابيض زي البفته
وقت اما طلبت نرجع تاني لبعض فضلت ساكته
قادت فيا النار ساعتها بالرغم إن الجو شتى
مراية الحب عاميه خيانتك جابت الناهيه
لو كان في شئ في ايديا كنت من زمان نسيت
بعدت و قولت في داهيه مكنتيش باقيه عليا
مكدبتش عينيا خلاص قويت و عليكي قسيت
2
كنت بتفرج على فيلم فضلت كتير عـ الحب ابص
لقيت انا واحده حبت واحد مش في كلام بترص
شوفت الحب في عينها و شوفت ازاي بتحبك
اتاري الحب بيفضل عشان الفيلم ساعه و نص
كانت بتحب تشوف ضحكتي و لو حزنت تحزن جمبي
بشوف ضحكتها فـ افرح فجأة الدنيا تقلب بمبي

مش عارف العيب في عيني ولا في عقلي ولا في قلبي
اسئلة بلا اجابات داب تاه حب و كان
سهرانلك بليل واحشاه و في الاخر منتيش معاه
قالوا النهايات اخلاق بس ده كله كان كلام
حبل الحب كان خناق بنت الاصول لـ ابن الشمام
سيب الحب لناسه انا مش بتاع حب و غرام
الحب في الزمن ده حرام كل اللي اتبقى مني حطام
بشكي للحيطان و محدش غيري كان غلطان
احب واحده اشوفها ملاك و تطلع في الاخر شيطان
مراية الحب عاميه خيانتك جابت الناهيه
لو كان في شئ في ايديا كنت من زمان نسيت
بعدت و قولت في داهيه مكنتيش باقيه عليا
مكدبتش عينيا خلاص قويت و عليكي قسيت