كلمات مورد الخد
يا مورد الخد لد بناظرك صوبي
يا فاتن الجيل يامن تملك اعجابي
يامالك الروح يا نهاب لقلوبي
بالقد والعود والشفات عنابي
ان شفت بستمك ضاع الفكر و اسلوبي
كني على موي والمويات تنسابي
في بحرك اموت ماحصلت مطلوبي
وانته على برجك المتسامي النابي
ياعادل الميل عدل ميل محبوبي
بموت لجله وهو ماهمه امابي
على الغراشيب فايق زود غرشوبي
الصاحب الخاص واتعذر من اصحابي
ماعرف وش ياه ما يوصله مندوبي
وادريبه يشوف وش يحمله كتابي
واحس قلبي على غلطاته يذوبي
لين اشعر بحزن منه يتلف اعصابي
يا اهل الهوى منه حالي صار مسلوبي
ما غض طرفي اذا نوم الكرى طابي
ولا زان جوي ولا زادي ومشروبي
والوقت ضدي على همي وتعذابي
منك بحشايه شرا اللهاب مشبوبي
والناس تاخذ ظواهرها عن الغابي
انت المخير لو تعيد النظر صوبي
يافايق الزين وين تريد تنحابي