كلمات ارجع انت

ما يرد القلب عن همه وعن سطوة جروحه
غير صبح يعتق قلوب الحيارى صوت أذانه
فالرحاب اللي تمد العزم للنفس الطموحة
كني آخذ من معالم مجدها حلم و رزانة
الجبل مالي عيون الناس من شدة وضوحه
ما اخلفت فيه الرياح الهوج شي من إتزانه
في ذراه يغني الشاعر طرب ويمد شوحه
بين فكرة من مخيلته و كلمة من لسانه

من يشوفه يحسبن الشعر واحد من خوانه
البلا إنه كل ما يبعد على البيدا شبوحه
ما يشوف الا رسوم أطلال من ماضي زمانه
العيون اللي من اللهفة مطالبها لحوحة
ودها تبكي ولا أدري من تبي تبكي عشانه
صاحبي ما مر يوم ألا ولك جية و روحة
وش بقى غير الطيوف اللي لها قدر و مكانة
كنت أقول إن المشاعر عنك توبتها نصوحة
وأثرها عمر ما يعطى فيه عهد ولا ضمانة
الغلا في كل يوم يطيح صرح من صروحه
أدرك اللي باقي من الحب قبل يفوت أوانه

إرجع أنت وكل شي فات يرجع في مكانه