كلمات ما يرجع بعد Ma Yerjaa Baaed

خاف ما شوفك يا يمه بعد
يا بعد كلبي ووصله من الكبد
يصير مثل النار كلب ام الولد
يمه لا تمشي دخيلك يالولد
وجان مني يروح ما يرجع بعد
يمه حك رباي اريده وتعبت
سند ردتك عود ليه لو طحت
تالي ضيمي شلون من ايدي رحت
شلي من دونك بالدنيا بعد
وجان مني يروح ما يرجع بعد
رماني رماني .. زماني زماني
بعدك يالغالي مدري .. مدري شبلاني
شجاني شجاني .. عفتك شجاني
بفراكك يمه دمعي .. دمعي عماني دمعي

وجان مني يروح ما يرجع بعد وجان مني يروح

ما اكدر انساك ولا انسى الجرح
ما ارتاح بليل بعدك لا صبح
تعوف امك ليش مكسورة جنح
ثوبي الاسود صار بعدك يالولد
وجان مني يروح ما يرجع بعد
فدوة يمه شلون حالك بالغرب
اني حالي الضيم ودموعي تصب
تريدني ارتاح لا يمه صعب
راحتي وياك راحت يالولد
وجان مني يروح ما يرجع بعد
رماني رماني .. زماني زماني
بعدك يالغالي مدري .. مدري شبلاني
شجاني شجاني .. عفتك شجاني
بفراكك يمه دمعي .. دمعي عماني دمعي

وجان مني يروح ما يرجع بعد وجان مني يروح

ويلي يا يمه مو هذا الرجى
ظهري من فركاك عالظيم انتجى
مثل دمعي عليك ما واحد بجى
يمه بيه جروح وينك يالولد
وجان مني يروح ما يرجع بعد
ما ادري دفيان لو يمك برد
يمه احجي وياك احجي وما ترد
شلون ترضى تروح وبحيلي تهد
ما حسبت حساب الليه يالولد
وجان مني يروح ما يرجع بعد
رماني رماني .. زماني زماني
بعدك يالغالي مدري .. مدري شبلاني
شجاني شجاني .. عفتك شجاني
بفراكك يمه دمعي .. دمعي عماني دمعي عماني
وجان مني يروح ما يرجع بعد وجان مني يروح