كلمات حكيم عيون

عبد الوهاب: فين السنة دي, أولاً أنا مش شايف غير صفين لولي, أنت يلزمك واحد جواهرجي مش واحد حكيم.
راقية: لا أرجوك سنتي بتوجعني , شوف لي أي علاج حالا.
عبد الوهاب : أصل أنا مش بس حكيم أسنان.
راقية: إيه؟ أمال حكيم إيه؟ خبيأأ
عبد الوهاب: حكيم عيون أفهم في العين, وأفهم كمان في رموش العين (مرتين) أعرف هواهم ساكن فين وأعرف دواهم ييجي منين.. قاسيت كتير منهم..وقريت كتير عنهم.
راقية: يا دكتور أنا أعرف أن الألم ييجي من عصب الدرس, لما الواحد ياكل حاجة ساقعة.
عبد الوهاب : علشان تحرمي تاكلي جلاس وتدوبي في قلوب الناس.
راقية: وعرفت منين؟
عبد الوهاب: متعرفيش أني أقدر أقرأ أفكارك ومن عنيكي أقدر أقولك أسرارك.
راقية: حكيم روحاني حضرتك؟ طيب أقرالي اللي في قلبي وأحكي لي عليه.
عبد الوهاب: اللي مكتوب فيه بيخوف ما أقدرش أحكيه.
راقية: بيخوف مين؟
عبد الوهاب: بيخوفني.
راقية: أنت كل حاجة تحشر نفسك فيها حتى قلبي.
عبد الوهاب: يارتني صحيح أقدر أكشف قلبك واسأله ع اللي في بالي؟
راقية: تسأله عن غيه؟
عبد الوهاب: عايز أعرف أن كان مشغول ولا خالي؟
راقية: شيئ ما يهمكش.
عبد الوهاب: مايهمنيش إزاي .
راقية: طب ماتعيطشي.
عبد الوهاب: (حواراً) عندي سؤال لو تسمحي أقدر أقولهولك؟
راقية : قوي.
عبد الوهاب: (غناء) فيه يا ترى شخص يهمك شاغلك ومشغول بيه قلبك.
راقية: (ترد بنغمات تؤديها والفم مغلق) تفيد موافقتها.
عبد الوهاب: والشخص ده موجود هنا؟
راقية: (نغمات تفيد الموافقة)
عبد الوهاب: يعني إنت عارفة مش كده؟
راقية: ( نغمات بأنتهاء اللحن وتؤكد موافقتها على ما يقول)
عبد الوهاب: (حواراً) والشخص ده شايفه دلوقتي قدامك.
راقية: بالطبع لأ..زعلت مني ولا إيه؟
عبد الوهاب: أبداً وهزعل منك ليه؟
"موسيقا تمهد للغناء التالي"
عبد الوهاب: دلوقتي بس صدقتك خدعوني قلبي وعينيه واللي انكتب جوه في قلبك أتاريه لغيري مش ليه آه..أه..مش ليه.