كلمات اللقاء الثاني ( تتر النهاية )
✍️ كلمات: سيد حجاب
🎼 ألحان: عمر خيرت
مين يقول ان اللي فات فاني
ده كل شيء فات ساب اثر
في اللي جاي
و لما بيعود اللي راح تاني
بنلقى نبض الذكرى في القلب حي
و لما تتلاقى الوشوش مرتين
عمر الوشوش ما بتبقى نفس الوشوش
لما بتاخدهم دوامات السنين
يجي اللقا تاني و ما بيتلاقوش
ومين يقول اللي فات ولى
ده كل شيء راح فات اثر
من ضياه
و احنا اللي بنعيش الزمن ولا
هو اللي بيعيشنا يا نهر الحياه
و لما تتلاقى الوشوش مرتين
عمر الوشوش ما بتبقى نفس الوشوش
لما بتاخدهم دوامات السنين
يجي اللقا تاني و ما بيتلاقوش