كلمات بإسمك
✍️ كلمات: Rayan Habre
🎼 ألحان: Rayan Habre
كل ما إنده لحدا بنده له بإسمك
كل ما اصفن بالمدى بيظهرلي رسمك
خبرني شو العم بيصير
كيف بشيلك من هالبال
آخد من دربي التفكير
رغم العجقة والاشغال
كل ما إنده لحدا بندهله بإسمك
بشوفك بزوايا المدينة
بين العالم عالطرقات
بيتهيألي عم تحكيني
بنقز بتلفّت اوقات
قلبي ب صوتك موعود
مسحورة من غير حدود
وانت مش داري بوجود
حلوة متلي بتحبك
كل ما إنده لحدا بندهله بإسمك
بفكِّر فيك طول نهاري
على رغم المسؤوليات
لو مهما كانت أخباري
درس واعمال وحفلات
وبالليل بسكِّر العيون
بتظهرلي بعتمة الجفون
حلمي بوجودك مسكون
نفسي إقطع على حلمك
كل ما إنده لحدا بندهله بإسمك
كل ما إنده لحدا بنده له بإسمك
كل ما اصفن بالمدى بيظهرلي رسمك
خبرني شو العم بيصير
كيف بشيلك من هالبال
آخد من دربي التفكير
رغم العجقة والاشغال
كل ما إنده لحدا بنده له بإسمك