كلمات جيبولي منهم

جيبولي منهم اي خبر
وشويه من عدهم عطر
اي شي اصبر روحي بي
قلبي عليهم من منفطور

مشتاق ما اصبر بعد
قولولهم وين الوعد
عافوني ليش بلا سبب
خلوني وحدي ويالصور

واحكولهم عن حالتي
وحشه بعدهم دنيتي
من دونهم ماضل فرح
وعيوني تعبها السهر

بغيابهم لا ما عشت
لا راحه بالدنيا شفت
اضحك واسولف بالكذب
بالصدق قاتلني القهر

بفراقهم روحي انتهت
والضحكه من وجهي اختفت
مشغول بالي وماصفه
عيني بدربهم وانتظر

كل شي بعدهم مو حلو
ماكو حنان ولا دفو
محتاج احضنهم ردت
قلبي احس مثل الجمر

ما عندي غالي ولا محب
بس همه احباب القلب
بلياهم اني شلون اعيش
ما يسوه صدقوني العمر

لا غفت عيني ولا نمت
بغيابهم شمعه وذبت
جنت بهواهم اني اطير
من راحوا جناحه انكسر