كلمات اعجوبه

بنت حلاها بحد ذاته قصيدة
اي شعر يرضي زينها واي مشاعر
واذا وصفها يا ترى وش جديدة
هذي القمر لو شافها يصير شاعر

بالاسم شيخة و بالمعاني الحميدة
وبحسنها اللي من كثر ماهو فاخر
صعب يكرره الزمان و يعيده
هالبنت اعجوبة و شرواها نادر

العين عين الريم و لفتات جيده
والمشية في هيبتها لارض اتفاخر
والى ضحكت كنها الحظوظ السعيدة
ماتدري هذي ضحكة او جبر خاطر

بنت ارق من السحابة البعيدة
وبوجهها ضي الصباح ايتباشر
من زود ما فيها المحاسن فريدة
ممكن تحرك في الجماد المشاعر

المدح يرقى بغيرها و هي تزيده
فخامة ‏تملا النفس و تشرح خواطر
ان قلت شيخة كني قايل قصيدة
وش عاد لو يبدع في باقيها شاعر