كلمات الطيبين راحو

راح اللى كان بيحس بيه من غير كلام
ايوه ايوه اللى كان دايما يشيل عنى الالم
راح الحنين ابو قلب طيب
اللى عمره مجرح حد اللى عمره مخان العهد
اللى علمنى الاخلاص اللى عاش فى قلوب الناس
اللى صورته مبتفارش خيالى
اللى سابنى للعذاب ياليالى
اللى عمرى مهنسى حبه وعطف قلبه
العزيز الغالى راح راح

الطيبين المخلصين احن ناس يا دنيا ليه
ليه راحوا
الطيبن راحوا المخلصين راحوا
احن ناس راحوا يا دنيا ليه راحوا

راح راح راح اللى كان قلبه يساع الدنيا ديه
راح راح راح اللى حبه كان يحنن القسيه
راح راح راح اللى داس على الشوق وضحى كتير عشانى
علمنى ادى فى دنيتى مبقاش انانى
راح اللى عمرى مهنسى حبه مستحيل تانى

اه اه اه من الليالى ومن الزمن والدنيا ديه
اه اه بعدوا مبينى وبين حبيبى ونور عنيا
اه اه اه من عذاب الوحده وقسوه اليالى
مبقاش فى طعمه دنيتى بعدك يا غالى
انت اللى كنت تحسنى وتشعر بحالى

كان كان كان اغلى حاجه فى دنيتى كان عمرى كله
كان كان كان بيبقى عارف شكوتى من غير مقوله
كان كان كان يبقى طاير من الفرح من حبه فيا
لو غبت ثانيه عن عنيه يقلق عليا
كانت احلى لحظه لما ايديه بطبطب عليا